சமையல் குறிப்புகள்
வடை வகைகள்

கீரை வடை

தேவையான பொருட்கள்

கடலைப் பருப்பு - 100 கிராம்
உளுந்து - 100 கிராம்
முளைக்கீரை - 1 கட்டு
பெரிய வெங்காயம் - 1 நறுக்கியது
மிளகு - 1 ஸ்பூன்
சீரகம் - 1 ஸ்பூன்
பெருங்காயம் - சிறிதளவு
கறிவேப்பிலை - சிறிதளவு (பொடியாக நறுக்கியது)
கொத்தமல்லி தழை - சிறிதளவு (பொடியாக நறுக்கியது)
எண்ணெய் - 1/2 லிட்டர்
உப்பு - தேவையான அளவு

செய்முறை

1. ஒரு மணி நேரம் கடலைப் பருப்பையும் உளுந்தையும் தண்ணீரில் ஊற வைத்து, பின்னர் முக்கால் பதத்துக்கு ஆட்டிக் கொள்ளவும்.

2. இதனுடன் நறுக்கிய கீரை, வெங்காயம், கறிவேப்பிலை, கொத்தமல்லி, மிளகு, சீரகம், பெருங்காயம், உப்பு ஆகியவற்றை சேர்த்து நன்கு பிசைந்து கொள்ளவும்.

3. ஒரு வாழை இலை அல்லது மொத்தமான பிளாஸ்டிக் கவரில் வடை மாவை தட்டி, வாணலியில் காய வைத்த எண்ணெயில் இட்டு பொரிக்கவும்.

4. இரு புறமும் திருப்பிப் போட்டு வடை நன்கு சிவந்தவுடன் எடுத்து வடிதட்டில் இட்டு எண்ணெய் வடிந்ததும் எடுத்து சூடாக பரிமாறவும்.

குறிப்பு

1. எண்ணெய் சரியாக சூடாகாமல் வடை போட்டால் எண்ணெய் குடிக்கும்.

2. வடைக்கு தொட்டுக்கொள்ள தேங்காய் சட்னியோ, மிளகாய் சட்னியோ, வெங்காய சட்னியோ செய்தால் சுவையாக இருக்கும்.

ஆக்கம்

ச. சுதாதேவி
சென்னை - 600 050.








எமது கௌதம் பதிப்பகம் & தரணிஷ் பப்ளிகேசன்ஸ் சார்பில் நூல் வெளியிட தொடர்பு கொள்க பேசி: +91-94440-86888
உங்களின் யூடியூப் வீடியோ மூலம் வருமானம் ஈட்ட வேண்டுமா? - ஒரு முறை கட்டணம் : Rs. 1000/- பேசி: 9444086888